Бухоролик бой савдогар хонадони уй-музейида очиқ дарс

28-февраль куни Бухоро давлат музей-қўриқхонаси “Бухоролик бой савдогар хонадони” уй-музей филиалида Ўзбекистон Республикаси Ички Ишлар Вазирлиги Бухоро академик лицейи ўқитувчилари Бахтиёр Ҳамидов ва Раъно Ходжаевалар лицейнинг 101 ва 108-гуруҳлари билан бухоролик маърифатпарвар сиёсий арбоб Файзулла Хўжаев ҳаёти ва фаолиятига бағишланган ноанъанавий интеграцион очиқ дарс ўтказишди.

Хориж давлатлари тажрибасидан келиб чиқиб дарсни икки ўқитувчи бир вақтнинг ўзида икки тилда – ўзбек ва рус тилларида олиб боришди. Дарснинг қизиқарли ва мазмунли ўтишида музей илмий ходимлари томонидан олиб борилган мавзуий экскурсия ҳамда музейдаги экспонатлар катта аҳамият касб этди.