Бухоро давлат музей-қўриқхонасининг бир гуруҳ илмий ходимлари Бухоро давлат университети “Тарих ва маданий мерос” факультети билан ҳамкорликда Жондор туман чекка Мурғак қишлоғидаги 4-мактабга ташриф буюриб, 8-9-10-синф ўқувчилари билан учрашув ўтказишди.

18-ноябрь куни Бухоро давлат музей-қўриқхонасининг бир гуруҳ  илмий ходимлари Бухоро давлат университети “Тарих ва маданий мерос” факультети билан ҳамкорликда Жондор туман чекка Мурғак қишлоғидаги 4-мактабга ташриф буюриб, 8-9-10-синф ўқувчилари билан учрашув ўтказишди. Учрашувда Бухоро музейлари, Арк тарихи, Бухоро дарвозалари тўғрисида қизиқарли маълумотлар беришди. Шунингдек,   Орол муаммоси ҳақида тўхталиб, “Оролга ҳаёт қайтмоқда” видеоролиги намойиш этилди ва Ўзбекистон халқ ҳофизи О.Назарбековнинг “Оролим” қўшиғи тингланди. Президентнинг 5 ташаббус юзасидан ёшларга китобхонликни тарғиб этиш мақсадида музей-қўриқхона кутубхона мудири томонидан тайёрланган китоблар кўргазмаси ва янги тарихий китоблар  тўғрисидаги маълумотлар  ўқувчиларга унутилмас таассурот қолдирди.