“Шеърият ва ғазал мулкининг султони” мавзусида очиқ дарс

7 февраль куни Бухоро давлат музей-қўриқхонаси «Музей экспонатлари ва коллекцияларини ҳисобга олиш» бўлими илмий ходимлари томонидан буюк ўзбек шоири, мутафаккир, давлат арбоби Низомиддин Мир Алишернинг таваллудининг 579 йиллигига бағишлаб “Шеърият ва ғазал мулкининг султони” мавзусида Бухоро шаҳридаги 4-сон болалар мусиқа ва санъат мактабида кўргазмавий маъруза дарси ўтилди.

Маърузада Навоийнинг ҳаёти, унинг давлат арбоби сифатида олиб борган фаолияти, ёзган асарлари, шунингдек, замонлар оша унинг ижодини ўрганиш ва бугунги кунда ҳам Навоийнинг мероси кўпгина олимларимизни илҳомлантириб келаётгани, ҳозирда мактаблар, хиёбонлар, кўчалар буюк шоиримиз номи билан юритилаётгани, унинг номида Ўзбекистон Давлат мукофоти таъсис этилганлиги ҳақида сўзланди.