намунали кўргазмавий экскурсия

27-февраль куни Бухоро давлат музей-қўриқхонаси Тасвирий санъат музей филиалининг Кўргазмалар залида филиал мудири О.Мавлонов томонидан тасвирий санъат турлари, жанрлар, миниатюра санъати, қадимги Пойкент археологик топилмалари, қадимги Варахша деворий суратлари ҳақида музей-қўриқхона илмий ходимлари, экскурсоводлар, турфирма вакилларига намунали кўргазмавий экскурсия ташкил этилди.

Маърузачи ўз маърузасида антик давр санъатидан то ҳозирги замон тасвирий санъати, машҳур рассомлар А.Беньков, С.Поччаев, Ч.Ахмаров, М.Курзинлар ижодлари ва асарлари, шунингдек, ҳайкалтарошлар Т.Эсанов, У.Ўроқов, бухоролик кулол Б.Гулов ижодий ишлари ҳақида кенг тушунчалар берилди.