“Маданий мерос ёдгорликлари” номли кўчма кўргазма

7-февраль куни Бухоро давлат музей-қўриқхонасининг "Тарих", "Табиат", "Санъат ва этнография", "Кўчма кўргазмалар" бўлимлари, "Бухорода сув таъминоти тарихи", "Имом ал-Бухорий" музей филиаллари илмий ходимлари ҳамкорликда буюк аллома Алишер Навоий таваллудининг 579 йиллиги муносабати билан Жондор туманидаги 2-мактабда “Маданий мерос ёдгорликлари” номли кўчма кўргазма ўтказишди.

Кўргазмада мактаб ўқувчиларига Алишер Навоий асарларининг турли даврларда турли хаттотлар томонидан кўчирилган нусхалари, Бухоро маданий мерос объектларига киритилган обидалар расмлари, макетлари, Бухоронинг 19 аср ҳунармандчилик намуналаридан этнографик буюмлар, мисгарлик, каштачилик, темирчилик буюмлари намойиш қилинди, улар ҳақида қизиқарли маълумотлар берилди.