Buxoro davlat muzey qo'riqxonasi Tasviriy san’at muzeyida O‘zbekiston Badiiy akademiyasi qoshidagi Buxoro ijodiy uyushmasi raisi Aka Obid Mavlonov boshchiligida va xorijiy davlatlardan kelgan madaniyat va san’at yo‘nalishidagi kuratorlar ishtirokida tadbir bo‘lib o‘tdi. "San’at" sohasidagi mehmonlar Markaziy Osiyo mintaqalari, jumladan Buxoro madaniyati va san’atini o‘rganish maqsadida tashrif buyurishdi. Ular bizning rassomlarimiz, ustalarimiz, san’atshunoslarimiz va muzey xodimlarimiz bilan uchrashishdi. Mehmonlar rassomlarimizning asarlari namoyish etilgan ekspozitsiyalarimiz bilan tanishishdi.