18-may – Xalqaro muzeylar kuni munosabati bilan Buxoro davlat muzey qo‘riqxonasi tomonidan Ark qalasida tantanali tadbir tashkil etildi. Ushbu tadbir Respublika “Barkamol avlod” bolalar maktabi bilan hamkorlikda o‘tkazilib, yosh avlodning iqtidorini namoyon etish, ularni tarix va madaniyatga bo‘lgan qiziqishini oshirishga xizmat qildi.

Tadbir davomida: Barkamol avlod maktabining ijodkor o‘quvchilari tomonidan rassomlik, hunarmandchilik va amaliy san’at yo‘nalishlarida yaratilgan ijodiy ishlar ko‘rgazmasi taqdim etildi; jonli ijroda kuy-qo‘shiqlar ijro etildi;
Tadbir so'ngida faol ishtirokchilarga diplomlar hamda esdalik sovg'alari topshirildi.
Tadbir nafaqat bolalar va ularning ota-onalari, balki Ark qal'asiga tashrif buyurgan mehmonlarga ham katta taassurot qoldirdi. Bu kabi tadbirlar yosh avlodni Vatanga, tarixga va san’atga bo‘lgan mehrini mustahkamlaydi.